التاج

على الرغم اني مش عارف لغاية دلوقتي ايه علاقة كلمة تاج بكرسي الاعتراف اللي الواحد بيكون فيه ده بس عامة هجاوب عليه

وعلى الرغم من اني لي تعليقات وتحفظات على التاجات ديه

المهم التاج ده وصلني من أخي الحبيب المهندس علاء

******************************************************

إنت مين ؟
أخوكم في الله محمد ... خريج المعهد الفني الصناعي بالاسكندرية بس كنت لفيت على معاهد الجمهورية كلها بداية من بورسعيد مرورا بقويسنا ثم المحلة واخيرا الاسكندرية ... المعهد سنيتن وسنة اولى امتياز ८८% وفي سنة تانية سبحان الله علشان عميدة المعهد مسيحية وبتكره حاجة اسمها الاخوان وشباب التيار الاسلامي وكانت اخدت مسجد المعهد وعملته مخزن وراح ثلاثه اخوة يتكلموا معاها وكنت بفضل الله ثالث الثلاثه وعملنا اعتصامات ومظاهرات واخدنا المسجد بفضل الله بس اتحول الامتياز الى مقبول وسنة تانية طلعت شايل مادتين والتقدير العام جيد :)

هذا من فضل الله علينا

الحمد لله خاتم للقرآن وأعمل الآن على الختمة الثانية وأعمل محفظ للقرآن بداية من هذا الصيف بالاضافة الى اني ربنا ييسر همضي في الشركة المصرية للاتصلات هذا الشهر

اخوانجي أبا عن جد بفضل الله

واعمل في مجال تربية الأشبال وبحبه جدا

******************************************************
مين أكتر ست أشخاص بتحبهم ؟

أولا رسول الله صلوات ربي وسلامه عليه

أبي وأمي واختي ام يوسف واخي الحاج خالد

الأساتذة الذين ربوني وأجلهم واحترمهم ولهم علي فضل كبير وأحب ان اجمعهم في شخص واحد

الأستاذ احمد أبو محمد

الأستاذ عماد أبو هالة

الأستاذ خالد أبو عمرو

أخي الحبيب احمد بكتريا

اخي الغالي ابو بصير

وام احمد
******************************************************

أنت سعيد ؟
الحمد لله رب العالمين

كل ما أقرأ الآية ديه بكون فرحان جدا

وَأَمَّا الَّذِينَ سُعِدُوا فَفِي الْجَنَّةِ خَالِدِينَ فِيهَا مَا دَامَتْ السَّمَوَاتُ وَالأَرْضُ إِلاَّ مَا شَاءَ رَبُّكَ عَطَاءً غَيْرَ مَجْذُوذٍ

لأني بحس اني طالما اني وسط اخواني واحبابي بكون سعيد

وربنا يديم علينا المحبة والسعادة يارب
******************************************************
لو اجتمعت أنت و حسني مبارك في غرفة واحدة ؟
أولا بفضل الله لا أخشى في الله لومة لائم

لكن ممكن يكون الموقف مربك ومقلق للكثيرين

لكن شخصيا هذكره بالله وانها لو دامت لغيرك لما وصلت اليك

وهفكره بالثواب اللي هيكون فيه لو اتقى الله في البلد ديه
******************************************************
لو معاك مليون و نص تعمل بيهم ايه ؟
هقسمهم لثلاثه أقسام

الثلث الأول أبني به مركز دعوي كبير وأسميه مركز الدعوة أو الأرقم

الثلث الثاني أبدأ به مشروع أعمل عليه

الثلث الأخير هتجوز وأطلع انا وابي وامي واختي ام يوسف عمرة رمضان

******************************************************
بتحب مصر ؟
ياااااااااااااااااااااااااااه والله يا مصر انك لأحب البلاد الي

بجد مصر ديه بتجري جوه دمي ومش هقدر استغنى عنها ابدا
******************************************************
بتحب البنات ؟
طبيعي جدا ولو محبتش البنات مبقاش انا راجل :)

بس عامة بقلق من التعامل معهن لأنهن ببساطة شديدة القوارير والقوارير سهل جدا ان تنكسر وبجد لو انكسرت مش هتنكسر الا على دماغك انت

وابقى سلم لي على دماغك

بس فيه منهم ماشاء الله لاقوة الا بالله كما يقولون في المثل بنت بميت راجل

بس بجد خايف منهن :(
******************************************************
إنت مسلم ؟
الحمد لله رب العالمين

******************************************************
ليه ؟
أولا والديي ومجتمعي كله مسلم فخرجت مسلما وحمدت الله على كوني مسلما فهي نعمة والله تكفي

لو كانت هي النعمة الوحيدة التي أنعم الله بها علينا لكفتنا
******************************************************
مين أكتر شخصية متقدرش تستغنى عنها في حياتك ؟
أمي و أبي

واخي احمد بكتريا

******************************************************
ليه ؟
ابي وامي هما شريان حياتي

واحمد بكتريا تربية مع بعض من زماااااااااااااااان اوي واول ما قلنا يا جوامع ويا اخوان كنا مع بعض وبرضه في المدرسة
******************************************************
إيه أكتر موقف محرج تعرضت له ؟
كنت نايم مرة في البيت وكنا بالنهار وكل اللي في البيت عارفين لما بكون نايم بالنهار ببقى يا اما تعبان " مريض " يا اما طول الليل سهران برة او جوة وما نمت وبيكون صعب جدا حد يصحيني لاني بتفتح فيه

المهم انا صحيت من النوم وطبعا شكلي كان غريب جدا لاني مانمتش بقالي يومين وكانت اختي عندها اخوات في البيت واختي نسيت اني في البيت

المهم انا صحيت وقمت من السرير وطالع من الأوضة ومالاقيت الا والصاله والاوضه التانية مليان اخوات طبعا مش هقول لكم على اللي حصل انا جريت في الاوضة تاني وهم جريوا على الاوضه التانية وكان موقف غبي جدا واختي جات تجري على الاوضه :)
******************************************************

و اتصرفت إزاي ؟

زي الكتاب ما بيقول بالظبط :D.....

******************************************************
إيه الأمنية اللي بتدعي دايما ربنا يحققها ليك ؟
ربنا أتمم لنا نورنا واغفر لنا انك انت الغفور الرحيم

ربنا تقبل منا انك انت العزيز الحكيم

اللهم نصرك الذي وعدت

الزواااااااااااااااج

الشهادة في سبيل الله

******************************************************
و اتحققت و لا لسه ؟
احيانا ارى علامات قبول بعض الادعية والاماني منهم والباقي لا

جزاكم الله كل الخير

اللي اعرفهم من المدونين تقريبا كلهم وصل لهم التاج ده هشوف لو حد ما وصل له التاج هبعته له على طوووووووووووووووووول

ولكم منا تحيه

والسلام مسك الختام